Drita Pelingu

Ka lindur në Vlorë në 1926. Filloi si aktore në Teatrin Popullor në 1946. Ka interpretuar rreth 80 role nga dramaturgjia kombëtare dhe ajo e huaj. Ajo u dallua në kryerole si Ira, Ollga, Klariçe, Luiza, Zabelina, Gertruda, Augustia, Dea, Mira, Beti Lidja, Zehraja, etj. Doli në pension që në 16.04.1977, por u ngjit në skenë edhe në vitet 2000 në dramat “Kujdes kafshon”, “Profesioni më i vjetër”, “Streha e të harruarve”, “Xhaxha Vanja” (2005). Një nga aktoret e shquara të Teatrit Kombëtar, e cila pati fatin të ngjitet në skenë edhe 60 vjet pas themelimit të tij. Ka dhënë një kontribut të çmuar edhe në filmin artistik, duke interpretuar disa role të bukur, por edhe si pedagoge në Akademinë e Arteve. “Mban titullin "Artiste e Merituar" dhe “Mjeshtre e Madhe”.