Loro Kovaçi

U lind në 30 gusht 1903 në qytetin e Shkodrës . Aktivitetin teatror e ka filluar nga viti 1920. Pas një përvoje të gjatë në teatrin amator, në 1 shtator 1946 së bashku me Pjetër Gjokën e të tjerë, fillon punë në Teatrin e Ushtrisë, ku interpreton per rreth një vit. Në 1 shtator 1947 kalon pranë Teatrit Popullor. Roli i tij i parë ishte në komedinë "Prefekti". Interpreton më vonë në pjesët "Rrënjët e thella", "Gubernatori i Provincës", “Karakteri moskovit", "Otello", "Revizori", "Intrigë dhe dashuri", "Orët e Kremlinit", "Hamleti", "Mbreti Lir", "Trimi i mirë me shokë shumë", etj. Roli i fundit së skenën e Teatrit Kombëtar ishte roli i kolonelit italian në dramën "Tri të shtëna pushke", të cilin ai e interpretoi vetëm dy herë.  Në 16 korrik 1966 ndahet nga jeta në operacion. Mban titullin " Artist i Popullit". Ka marrë pjesë edhe në filmat artistikë shqiptarë, “Skënderbeu”, "Detyre e posaçme" e "Toka jonë".